Importante empate en Redondela

O Negreira tivo a vitoria moi preto na súa visita a Redondela. O equipo que adestra Nacho Fernández só puido regresar a casa cun empate: 1-1. No último suspiro, o Choco salvou un dos puntos en xogo e impediu o triunfo roxillo.

O partido foi moi igualado na primeira parte, con dous equipos moi ben plantados no rectángulo de xogo e cun Negreira moi serio nas súas tarefas defensivas. O once visitante aguantou moi ben os golpes do cadro local, chegándose ao descanso co marcador sen goles, pero con varias ocasións.

No segundo período, o Negreira adiantou un pouco máis as súas liñas ante o pouco control do Choco nas súas accións de ataque. Adrián Quintairos adiantou ao Negreira e púxolle o partido moi costa arriba aos de Redondela. Na recta final, o Negreira deixou escapar dous puntos. Un servizo de Berto aproveitouno Escobar, a tres minutos para a conclusión do choque. O Negreira tivo a vitoria na palma da man e por uns minutos estivo fóra do descenso.

Hai que seguir pelexando por sair dos últimos postos, xa que os equipos da zona baixa da táboa están a gañar os seus partidos, e preséntase un final de liga moi emocionante.